Tag Archives: વાચન

ઇનોવેટીવ આઈડીયાઝ – રીડીંગ રૂમ ફર્નીચર


વાંચવાનો કેવોક શોખ છે તમને? મને તો વાંચ્યા કરવું બહુ ગમે. નાનો હતો ત્યારે ઘરની એક નાની રૂમ (અગાશી ની દાદર રૂમ)માં ટેબલ ખુરશી ને કબાટ ગોઠવી રીડીંગ રૂમ બનાવ્યો હતો. ત્યાં પંખો ય નહોતો પણ ગરમી માં બફાતા પણ વાંચવાનો શોખ તો માણતો. એવું નહોતું કે ઘરમાં આરામદાયક જગ્યાઓ નહોતી, પણ ખાસ રીડીંગ રૂમનો શોખ એવો હતો.

આજે નેટ પર જોવા મળ્યું આ ખાસ વાચન માટે નું ફર્નીચર, જેમાં ખુરશી, ટેબલ અને લેમ્પ સુદ્ધામાં પુસ્તકો મુકવાની જગ્યાઓ મળી રહે છે. આરામદાયક હોવા ઉપરાંત એ પુસ્તકો ને હાથવગા રાખવામાં પણ મદદ કરે છે. ખુરશી નીચે તમે જે પુસ્તકો હાથવગા રાખવા માગતા હો તે રાખો, હાલ માં જે પુસ્તકો વાચો છો તેને લેમ્પ સાચવશે. ટેબલ નીચે પણ તમે પુસ્તકો સારી રીતે ગોઠવી શકો છો.વળી, તમે પુસ્તકો ને કબાટમાં પૂરી રાખવાના બદલે, લોકો જોઈ શકે તેમ ડિસ્પ્લે કરી તમારો પુસ્તકપ્રેમ અને કલેક્શન જાહેર કરી શકો છો.

જુઓ કેટલાક ચિત્રો..

આ ફર્નીચર ની ડીઝાઈન નેધરલેંડ નાં Remi van Oers દ્વારા બનાવવામાં આવી છે. વેબસાઈટ મને લાગે છે ત્યાં સુધી ડચ ભાષામાં છે. આ પોસ્ટ આ બ્લોગ ઉપર મુકાયેલી  છે: મેં બ્લોગ મિત્રો માણી શકે તે માટે અહી મૂકી છે.

Advertisements