Tag Archives: રમત

શબ્દરમત (એક વધુ)


ગઈકાલની શબ્દરમત પોસ્ટ થઈ ગઈ પછી પાછળથી નેટ પર આ એક વધુ મળી એને અહીં શેર કરું છું.

નીચેનું વાક્ય વાંચો અને તેમાં F કેટલીવાર આવે છે તે ગણો.

FINISHED FILES ARE THE RE
SULT OF YEARS OF SCIENTI
FIC STUDY COMBINED WITH
THE EXPERIENCE OF YEARS…

કેટલા F છે?

ફરીવાર ગણો અને પછી નીચે જવાબ જૂઓ..

..

..

..

..

..

..

..

..

..

..

કુલ 6 વાર F આવે છે. જો તમે પહેલીવારમાં જ સાચી સંખ્યા ગણી શક્યા હો તો આપની ક્ષમતા ખૂબ સારી છે. અભિનંદન.

Advertisements

શબ્દરમત


આજે થોડી હળવી શબ્દોની રમત માણીએ?

નીચેના ત્રિકોણમાં લખેલા શબ્દો મોટેથી વાંચો.

શું લખ્યું છે? “A BIRD IN THE BUSH” બરાબર?

ખોટું! ધ્યાનથી ફરીવાર વાંચો. બહુ ઓછા લોકોને પહેલી જ વારમાં ખ્યાલ આવશે કે…

બીજી રમત.. નીચેના ચિત્રોને ધ્યાનથી જૂઓ.

 

 

 

બધા ચિત્રોમાં એક શબ્દ વંચાય છે. પણ ધ્યાનથી જોવાથી તેમાં જ કંઈક જૂદો અર્થ નીકળતો જણાશે.

(વિનંતી – આ ખૂબ સરળ છે. આપ માણી લો પછી તેનું રહસ્ય કોમેન્ટમાં ન લખો તો બીજા લોકો ને વધુ મજા આવશે.)

મારો.. કાપો..!


આ વિડીયો જુઓ..

આ એક ગેઈમ નું પ્લે-મુવી છે. નામ છે “અનરીયલ ટુર્નામેન્ટ – 3”. મારી પ્રિય પીસી ગેઈમ છે. ગેઈમ મારામારી ની છે અને એટલી ઇન્ટેન્સ  છે કે ઝટ મુકવાનું મન ન થાય.

આમ તો એમાં ઘણા મોડ છે જે દરેક માં મુખ્ય હેતુ હરીફોને મારવાનો જ છે. સૌથી લોકપ્રિય છે ડેથમેચ અને ટીમ ડેથમેચ. ડેથમેચમાં એકલા રમવાનું છે ને જે દેખાય તે આપણો દુશ્મન એમ ગણીને મારામારી ચાલુ રાખવાની. ને હા, એ જ રીતે તમે પણ બીજાઓના નિશાન પર રહેશો, મરો કે મારો નહિ ત્યાં સુધી.

ટીમ ડેથ-મેચ માં ટીમ કહેતા જૂથ, બનાવીને રમવાનું ને આપણી ટીમ માં ન હોય તેની પાછળ લાગ્યા રહેવાનું ને એ લોકો તમારી પાછળ જ હશે. -ફરી, મરો કે મારો નહિ ત્યાં સુધી.

બે દિવસથી હું ઘણો સમય બગાડું છું એની પાછળ, ને એ રમતા રમતા કંઈક વિચાર, કંઈક  યાદ આવે છે. તમને શું વિચાર આવે છે આ ગેઈમના કન્સેપ્ટ અને આ વિડીયો ઉપરથી? 😉

(બીજી ગેઈમ જે હમણાં રમું છું તે છે “પ્રિન્સ ઓફ પર્શિયા – ફરગોટન સેન્ડ્સ”. એની વાત પછી.)

એક અતિ પ્રાચિન અને અત્યંત રસપ્રદ પઝલ/રમત


સહુને નવા વર્ષના અભિનંદન. રજાઓ કેવી રહી? મારે તો હજી બે દિવસની રજા છે. એ રજાઓના કારણે જ આ પોસ્ટનો ટોપીક મળ્યો. વાત એમ છે કે નવરા નવરા કરવું શું? સમય પસાર કરવા માટે કંઈક રચનાત્મક પ્રવૃત્તિ વિષે વિચારતા “તાનગ્રામ” યાદ આવી ગયું. બાળપણમાં “બુલબુલ”માં એના અંગે વાંચ્યુ’તું. તાનગ્રામ એ એક ખૂબ પ્રાચિન પઝલ/ગેઈમ છે. મુળ સદીઓ જૂની આ પઝલ ની શોધ ચીનમાં સદીઓ પહેલા થઈ હશે. કેટલાક તો એવું પણ માને છે કે આ રમત આશરે 4000 વર્ષ પહેલાં શોધાઈ હશે. પુસ્તકોમાં એનો પ્રથમ ઉલ્લેખ 19મી સદીની શરીઆતમાં જોવા મળે છે. પ્રથમ નજરે બાળકોના મનોરંજન માત્રની, અત્યંત સામાન્ય લાગતી આ પઝલ પર હાથ અજમાવતા ખબર પડે કે એ જેટલી દેખાય છે એટલી સાદી કે સરળ રમત નથી. આ રમતમાં એક મોટા ચોરસના સાત ટૂકડા કરેલા હોય છે, જેમાંથી પાંચ નાનામોટા ત્રિકોણ, એક ચોરસ અને એક સક્કરપારા જેવો(rhomboid) આકાર બને છે. આ સાત આકારને જૂદી જૂદી રીતે સાથે ગોઠવીને અવનવા આકાર બનાવવા એટલે તાનગ્રામની રમત. ખૂબ જાણીતી Jigsaw પઝલ્સ ની જેમ જ આકારો ગોઠવાય છે પણ જીગ-સો કરતાં અલગ, અહીં ટૂકડાઓની જૂદીજૂદી ગોઠવણી વડે અહીં નવા નવા આકાર બનાવવાના છે. એના નિયમો સાદા અને સરળ છે.

  • કોઈપણ આકાર બનાવવા માટે સાતે ય ટૂકડાનો ઉપયાગ કરવો ફરજીયાત છે.
  • સાતેય ટૂકડા એક જ સપાટી પર ગોઠવવાના છે.
  • દરેક ટૂકડો ઓછામાં ઓછા એક અન્ય ટૂકડાને સ્પર્શવો જોઈએ.
  • ટૂકડા એકમેકની ઉપર નથી ગોઠવવાના. (No Overlapping)

આ સરળ લાગતા નિયમો જ કામને અઘરું બનાવે છે. પણ માત્ર સમય પસાર કરવો હોય ત્યારે નિયમોને તોડવાની યે મજા છે. તાનગ્રામ બનાવવાનું સરળ છે અને ખર્ચ નહિવત્ છે. નીચે મુજબ એક ચોરસ કાર્ડબોર્ડ ને કાપીને સાત ટૂકડા બનાવો (એને રંગ્યા હોય તો પઝલ રંગબેરંગી લાગશે) અને હો જાઓ શુરુ.. ટૂકડા કાપવા માટે કાતર કરતાં ધારદાર કટર વાપરશો તો ટૂકડા વધુ પરફેક્ટ બનશે.

તાનગ્રામ વડે બનતી કેટલીક આકૃતિઓ અહીં મૂકી છે. એમાંથી કેટલી તમે બનાવી શક્શો? વધુ આકૃતિઓ જાતે બનાવવાની પણ મજા આવશે.

તાનગ્રામ અંગે એક મજાની સાઈટ આ રહી.. tangrams.ca
આ સાઈટ પર તાનગ્રામ અંગે રસપ્રદ માહિતી ઉપરાંત મજાની પઝલ્સ અને કમ્પ્યુટર પર તાનગ્રામ ડાઉનલોડ કરવા લીંક્સ પણ છે.

ફરીવાર…કોમેન્ટ્સ પ્લીઝ.