Tag Archives: અવનવું

એક નાનકડું “ગુગલ ગતકડું”


નેટ ઉપરથી આજે એક મજાની ગુગલ માટેની ટ્રીક મળી. મને ગમી છે, આશા છે કે તમને પણ ગમશે.

નીચેની લિંક ક્લીક કરો.

અહીં ક્લીક કરો.

ગુગલનું પેજ ખુલ્યું? હવે એ પેજમાં ગમે ત્યાં ક્લીક કરો. પેજના થોડા વચ્ચેના ભાગમાં ક્લીક કરવાની છે, સાવ ડાબી કે જમણી બાજુ નહિ.

જોયું જાદુ?

એ જાદુ દૂર કરવા માટે ફરીવાર એ જ રીતે ગમે ત્યાં ક્લિક કરો. ત્રીજીવાર ક્લિક કરવાથી ઓરિજિનલ ગુગલપેજ પર જવાશે.

જાદુનું વર્ણન જાણીજોઈને કર્યું નથી. જાતે જોવાની વધુ મજા આવશે તેમ માનીને.

Advertisements

કહેવતો અને ઉદ્ગારો (૪)


કેટલાંક “ફન્ની” કહેવતો અને અવતરણો ફરી એકવાર માણીએ?

  • જે રાહ જૂએ છે તેને બધું મળે છે, પણ આ “બધું” એટલે માત્ર એ ચીજો જે ઉતાવળે પહોંચેલાઓએ બાકી રાખી હોય.

    (અબ્રાહમ લિંકન)

  • નિરાશાવાદીએ કદિ નિરાશ થવું પડતું નથી.

  • જે ખીલી ઉંચી રહેશે તેના પર ચોક્કસ હથોડો પડશે.

    (જાપાનીઝ કહેવત)

  • કૂવો સુકાઈ ન જાય ત્યાં સુધી પાણીની કિંમત સમજાશે નહિ.

    (સ્કોટીશ કહેવત)

  • તમે ઈંડાઓને ક્રમ પ્રમાણે ગોઠવી ન શકો.

    (ઉત્તર અમેરિકન)

  • સત્ય પોતાના જૂતાં પહેરશે ત્યાં સુધીમાં જૂઠાણું આખી દુનિયા ફરી વળશે.

    (ફ્રેન્ચ કહેવત)

  • જૂઠાણાને વસ્ત્રસજાવટની જરૂર પડશે, પણ સત્ય તો નગ્ન જવાનું જ પસંદ કરશે.

    (અંગ્રેજી કહેવત)

  • ઈતિહાસ એ વિજેતાઓએ કરેલો જૂઠાણાઓનો સંગ્રહ છે.

  • જો તમે જે વાંચો એ (વિચાર્યા વગર) માની લેતા હો, તો બહેતર એ છે કે ન વાંચો.

    (જાપાનીઝ કહેવત)

  • એક જૂઠાણું હજાર સત્યોને રોળી નાખે છે.

    (દક્ષિણ આફ્રીકન કહેવત)

ડીઝાઇનર લેડીઝ શુઝ (ખાવાનું નથી પુછ્યું)


હંમેશા કહેતો આવ્યો છું તેમ આજે પણ “નેટ પર રખડતાં” આ મળી આવ્યું છે. પણ સાચું કહેવું હોય તો એમ કહેવું જોઇએ કે ગઈકાલે એક મિત્રએ અને મારી પત્નીએ પુછ્યું હતું કે ઓલી અવનવી ડીઝાઈનોવાળી કોઇ પોસ્ટ હમણા હોતી નથી? એટલે આજે વિચાર આવ્યો કે જોડાની (ઓકે ભાઈ, જૂતાની. બસ?) કંઈ અવનવી ડીઝાઈન સર્ચ કરી જોઉં. અને આ ચિત્રો મળ્યા.

માનો કે ન માનો : “ટાઈટેનીક” પહેલાની “ટાઈટેનીક”


જી હા, માનો કે ન માનો..

આર.એમ.એસ. ટાઈટેનિક

પણ આ વાત “ટાઈટેનિક” ની દુર્ઘટના બન્યાનાં ૧૪ વર્ષ પહેલા જ “ડૂબી ચુકેલી” એક કાલ્પનિક લક્ઝરી શીપની છે. મશહૂર અમેરિકન કથાકાર મોર્ગન રોબર્ટસને લખેલી એક નવલિકા “ફ્યુટિલીટી” (નિરર્થકતા)માં તેણે એક વિશાળ “ઓશન લાઈનર” (લકઝરી શીપ)ની કથા લખી છે. આ સ્ટીમર દુનિયામાં ત્યાર સુધીમાં બનેલી સૌથી મોટી હોવાનું તેણે લખ્યું અને તેની સાથે ઘટેલી દુર્ઘટના જેમાં તે નાશ પામી તે લખી છે.

“માનો કે ન માનો” જેવી આશ્ચર્યજનક વાત તો એ છે કે આ કથામાં વર્ણવાયેલી શીપને ૧૪ વર્ષ પછી બનનારી અને ૧૯૧૨માં પોતાની પહેલી જ સફરમાં ડૂબી જનારી “ટાઈટેનિક” સાથે ગજબનું સામ્ય છે. વાંચો નીચેનું લિસ્ટ, જેમાં તેનું “ટાઈટેનિક” સાથેનું સામ્ય જણાવ્યું છે.

  • સૌથી પહેલા..૧૯૧૨માં સાચેસાચ ડૂબેલી સ્ટીમર હતી, “ટાઈટેનિક” જ્યારે આ નવલકથાની કાલ્પનિક સ્ટીમરનું નામ હતું..
    “ટાઈટન”.
  • કથા પ્રમાણે “ટાઈટન” દુનિયાની સૌથી મોટી પેસેન્જર સ્ટીમર હતી જેની લંબાઈ ૮૦૦ ફીટ અને વજન ૭૫૦૦૦ ટન હતું. (“ટાઈટેનીક” પણ દુનિયાની ત્યાર સુધીની સૌથી મોટી શીપ હતી-લંબાઈ ૮૮૨ ફીટ, વજન ૫૩૦૦૦ ટન)
  • બન્ને ૨ કૂવાસ્તંભ અને ૩ પ્રોપેલર ધરાવતી હતી. “ટાઈટેનિક” ૪૬૦૦૦ હોર્સપાવરની સ્ટીમર હતી. “ટાઈટન”ના હોર્સપાવર હતા ૪૦૦૦૦.
  • “ટાઈટન” ને તેના લેખકે તેના વૉટરટાઈટ કમ્પાર્ટમેન્ટ્સને લીધે “અનસિંકેબલ” ગણાવી હતી, અને “ટાઈટેનિક” તેના પેટાળમાં આવેલા વૉટરટાઈટ કમ્પાર્ટમેન્ટના કારણે ” પ્રેક્ટીકલી કદિ ન ડૂબે તેવી” (Unsinkable) ગણાતી હતી.
  • “ટાઈટેનિક” ઉપર માત્ર ૧૬ લાઈફબોટ હતી (અને વધારામાં ૪ ફોલ્ડીંગ બોટ્સ) જે તેની કુલ પેસેન્જર ક્ષમતા (૩૫૦૦) માટે “જોઈએ તે કરતાં અડધાથી યે ઓછી” હતી. “ટાઈટન” માત્ર “કાયદા મુજબ જરૂરી” તેવી ૨૪ લાઈફબોટ્સ ધરાવતી હતી. ફરી, તેની “ક્ષમતા (૩૦૦૦) માટે જોઈએ તે કરતાં અડધાથી ઓછી.”
  • “ટાઈટેનિક” એપ્રિલ ૧૪, ૨૦૧૨ ના રોજ રાત્રે વધુ પડતી ઝડપે (૨૨.૫ નોટ્સ) હંકારવા જતા હિમશીલા સાથે ટકરાઈને ડૂબી હતી. “ટાઈટન” પણ કથાવર્ણનમાં એપ્રિલ મહિનાની રાતે વધુપડતી ઝડપે (૨૫ નોટીકલ માઈલ) હંકારતા હિમશીલા સાથે ટકરાઈ અને ડૂબી હતી.
  • બન્ને શીપ (અસલ અને કાલ્પનિક) આફરી સફર ન્યૂયોર્ક અને ઈંગ્લેંડ વચ્ચે ખેડી રહી હતી. બન્ને ઉત્તર એટલાન્ટિક સમુદ્રમાં ન્યૂફાઉન્ડલેન્ડથી ૪૦૦ કિમીના અંતરે ડૂબી.
  • અનસિંકેબલ ગણાતી હોવા છતાં “ટાઈટેનિક” ડૂબી અને તેના ૨૨૦૭ પેસેન્જરમાંના અડધા કરતાં પણ વધુ મુસાફરો ડૂબી ગયા. “ટાઈટન” પણ તેની સાથે તેના ૨૫૦૦ માંના અડધા કરતા વધુ મુસાફરોને ડૂબાવતી ગઈ.

“ટાઈટેનીક” અંગે બીજી પણ ઘણી વાતો છે. ફરી ક્યારેક વાત.

વીકીપીડીયા ખરેખર મજાની વસ્તુ છે.  🙂

કમ્પ્યુટર આર્ટ – સારા


આજની પોસ્ટ મુકવામાં મોડું એટલે થયું છે કે હું સારાનું આ ચિત્ર પુરું કરી રહ્યો હતો. ગઈ કાલે પૂનમ સારાને લઈને ઓફિસે આવી અને એના ફોટા અમે જોતાં હતાં ત્યારે મને વિચાર આવ્યો કે એક ચિત્ર બનાવીને બ્લોગ પર મુકું. મેં પેઈન્ટ ખોલ્યું અને ચિતરડા ભમરડા શરુ કર્યા. પરિણામ આ રહ્યું.

સારા - પેઈન્ટ્માં બનાવેલું ચિત્ર

આ ચિત્ર બનાવવા માટે માત્ર એમ એસ પેઈન્ટના પ્રોગ્રામનો ઉપયોગ કર્યો છે. એ સિવાય કોઇ જ ડિજિટલ એડીટર્સ જેમ કે કોરલ ડ્રો કે ફોટોશોપ વાપર્યા નથી.

આશા છે આપ સૌને ગમશે.

અને હા, પોસ્ટને રેટીંગ અને તમારો અમુલ્ય પ્રતિભાવ ચોક્કસ આપશો પ્લીઈઈઈઈઈઈઝ….

નોંધ – આ ખરેખર સારા જેવું જ લાગે છે કે નહિ એ ખબર નથી. પણ મારે તો માત્ર હું પેઈન્ટમાં કેવુંક કામ કરી શકું છું તે જ જોવું હતું, (કારણ કે પેન્સીલ કરતા માઉસ પર કન્ટ્રોલ રાખવો વધુ અઘરો છે) એટલે બનાવ્યું છે.

યોગાનુયોગે આ મારા બ્લોગ પર મૂકાયેલી 100મી પોસ્ટ છે તે હમણા સ્ટેટીસ્ટીક્સ જોતાં મને ખબર પડી. 🙂

માનવ મૂર્તિ (તસવીર)


આ ફોટો જૂઓ. નેટ પર રખડતા મળી ગયો છે અને અનેક બ્લોગ્સ અને સાઈટ પર મૂકાયેલો જ છે, પણ છતાં મારા વાચકોને ગમશે એમ માનીને અહીં મૂકું છું. મને વિશેષ માહિતી નથી, પણ ફોટોગ્રાફમાં ઉલ્લેખ પ્રમાણે ૧૮૦૦૦ સૈનિકોએ મળીને અહીં “સ્ટેચ્યુ ઓફ લિબર્ટી”ની આકૃતિ રચી છે.

તમારા પ્રોગ્રામ તમારી સાથે..


યુએસબી પેનડ્રાઈવ આજકાલ ખૂબ સામાન્ય થઈ ગઈ છે અને લોકો પોતાની અગત્યની ફાઈલ્સ અને ડેટા સાથે રાખવા તેનો ઘણો ઉપયોગ પણ કરે છે.

પણ શું તમે જાણો છો કે પેનડ્રાઈવનો ઉપયોગ માત્ર ડેટાફાઈલ્સ રાખવા પુરતો સીમિત નથી. તમે તમારા ફેવરીટ પ્રોગ્રામ્સ પણ એમાં રાખી શકો છો અને જ્યારે જરૂર પડે ત્યારે જે-તે પ્રોગ્રામ સીધો પેનડ્રાઈવમાંથી જ (ઈન્સ્ટોલ કર્યા વગર જ) રન કરી શકો છો, જેમાં ઓફીસ સ્યુટ, ઈમેઈલ ક્લાયન્ટ અને ઈન્ટરનેટ બ્રાઉઝર ઉપરાંત એન્ટીવાઈરસ પ્રોગ્રામનો પણ સમાવેશ થાય છે. (તમે તમારા બ્રાઉઝરના બુકમાર્ક્સ હવે સાથે રાખી શકો છો.) આ માટે ઘણી “‌પોર્ટેબલ એપ્લિકેશન્સ” ઉપલબ્ધ છે જે ઈન્સ્ટોલ કરવાની જરૂર નથી રહેતી. આ માટેની જ એક રસપ્રદ સાઈટ છે, પોર્ટેબલએપ્સ.કોમ

આ સાઈટ એક આખો પોર્ટેબલ પ્રોગ્રામ ડાઉનલોડ કરવા દે છે જે તમે તમારા કોઈપણ પોર્ટેબલ ડીવાઈસ પર (હા, કોઈપણ ડીવાઈસ. મેં આ સ્યુટ મારા મોબાઈલના મેમરી કાર્ડમાં ઈન્સ્ટોલ કર્યો છે.)રાખી શકો છો અને જ્યારે જરૂર હોય ત્યારે તે ડીવાઈસને કોઈપણ વિન્ડોઝ ધરાવતા કમ્પ્યુટર સાથે લગાવી જે-તે પ્રોગ્રામનો ઉપયોગ કરી શકો છો. વળી, મજા એ છે કે આ સાઈટ પર ઉપલબ્ધ બધી જ પોર્ટેબલ એપ્લિકેશન “ઓપન સોર્સ” છે એટલે તેના માટે તમારે કંઈ ખર્ચ કરવો પડતો નથી. માત્ર ડાઉનલોડ કરો અને ઉપયોગ કરો. પોર્ટેબલએપ્સ સ્યુટ કહેવાતો પ્રોગ્રામ તો વળી એક મેનુ પણ ધરાવે છે જેમાં તમારી બધી એપ્લિકેશનના શોર્ટકટ મળી રહે છે. માત્ર એ મેનુ રન કરી અને તેમાંથી એપ્લિકેશન સિલેક્ટ કરી શકાશે. ઉપરાંત બીજી ઘણી “સ્ટેન્ડ અલોન” એપ્લિકેશન પણ છે જે તમે અલગ અલગ ડાઉનલોડ કરી શક્શો. આમાં ઓફીસ પ્રોગ્રામ, ઈન્ટરનેટ પ્રોગ્રામ, સિક્યુરીટી સોફ્ટવેર, ફાઈલમેનેજર્સ અને ગેમ્સ પણ સામેલ છે. વધુ વિગત અને ડાઉનલોડ (ફ્રી) માટે નીચેની લીંક ક્લીક કરો.

http://portableapps.com