Category Archives: વિશ્વ

મોટા જ્યારે હતા નાના..


કોણ કહે છે કે પુત્રના લક્ષણ પારણામાંથી? પ્રખ્યાત માણસો પણ જ્યારે નાના હતા ત્યારે તેમનામાં કેવા લક્ષણ દેખાતા હતા? આપણા દેશની વિભૂતિઓના બાળપણ વિષે અનેક વાતો જાણવા મળે છે..થોડા વિદેશી મહાનુભાવો વિષે વાંચો…

  • ઈ.સ. ૧૮૯૮માં મ્યૂનિક ટેક્નીકલ ઈન્સ્ટીટ્યુટમાં દાખલ થવા એક વિદ્યાર્થીએ

    આઈન્સ્ટાઈન બાળપણમાં તેની બહેન માયા (Maja) સાથે

    અરજી કરી. ઈન્સ્ટીટ્યુટે એ નકારી કાઢી. કારણ? તેમના મત મુજબ અરજદારમાં “ટેક્નીકલ ઈન્સ્ટીટ્યુટના સ્ટુડન્ટ બનવાની એકપણ લાયકાત નહોતી.”
    એ અરજદારનું નામ? આલ્બર્ટ આઈનસ્ટાઈન.

  • વિખ્યાત ચિત્રકાર પાબ્લો પિકાસો સફળ થયો તે એના સ્કુલ ટીચર્સને કદાચ માનવામાં નહિ આવે. પિકાસોએ દસ વર્ષની ઉંમરે શાળા છોડી. કારણ? તે આલ્ફાબેટના અક્ષરો યાદ નહોતો રાખી શક્તો.
    (પિકાસોની માતાએ એકવાર કહ્યું હતું કે તે બોલતા શીખ્યો તે પહેલા ચિત્ર દોરતા શીખ્યો હતો. કહેવાય છે કે તે જે પહેલા શબ્દો બોલ્યો હતો તે હતા, “પીઝ, પીઝ” એટલે કે, “લેપિઝ” (પેન્સીલ માટેનો સ્પેનીશ શબ્દ.)
  • પ્રખ્યાત અમેરિકન કેસીનો માલિક અને રિયલ એસ્ટેટ માંધાતા ડોનાલ્ડ ટ્રમ્પે નાનપણમાં એના મ્યૂઝિક ટીચરને ગુસ્સાથી માર્યું હતું. કારણ? ટ્રમ્પ કહે છે, “મને નહોતું લાગતું કે એને સંગીતની કશી ગતાગમ હોય!”
  • પ્રખ્યાત અમેરિકન દૈનિક “કેન્સાસ સીટી સ્ટાર”માં ચિત્રકાર તરીકે જોડાવા એક

    વૉલ્ટ ડીઝની

    વાર એક છોકરડાએ અરજી કરી. તેને નોકરી ન મળી. પછી તેણે “ઓફીસબોય” તરીકે જોડાવા અરજી કરી – નોકરી ન મળી. ત્યાર બાદ તેની ટ્રક ડ્રાઈવરની જગ્યા માટેની અરજી પણ નકારી કાઢવામાં આવી.
    એ છોકરડો મોટો થયો અને મૃત્યુ પણ પામ્યો તે પછી એક રીતે તેણે બદલો લીધો. તેની કંપનીએ “કેન્સાસ સીટી સ્ટાર” ખરીદી લીધું. કંપની – વૉલ્ટ ડીઝની કૉર્પોરેશન અને છોકરડો – તમે સમજી ગયા તેમ, વૉલ્ટ ડીઝની.

  • પ્રખ્યાત ફીલ્મમેકર સ્ટીવન સ્પીલબર્ગે તેની ડીગ્રી કેલીફોર્નીઆ સ્ટેટ યુનિવર્સીટીમાંથી મેળવી. વધુ પ્રખ્યાત સિનેમા સ્કુલ જો કે યુ સી એ સ્કુલ ઓફ સિનેમેટીક આર્ટ્સ છે. તો સ્પિલબર્ગ ત્યાં શા માટે ન ગયા?
    જવાબ – તેમણે ત્યાં એડમીશન માટે એપ્લિકેશન કરી હતી પણ તેમને એડમીશન નહોતું મળ્યું, બે વાર!
  • ઈ.સ.૧૮૮૦માં, ઈંગ્લેન્ડના હેરોમાં એક છોકરાને ઘરે ભણાવતા સાહેબે તેના

    વીન્સ્ટન ચર્ચીલ

    વિષે લખ્યું : “તે ભૂલકણો, બેદરકાર અને દરેક રીતે અનિયમીત છે..જો તે તેની આ ગંદી આદતો સુધારશે નહિ તો તે શાળામાં ક્યારેય ભણી નહિ શકે.”
    એ છોકરો છઠ્ઠા ધોરણમાં નાપાસ થયો અને સેન્ડહર્સ્ટ મીલીટરી સ્કુલની પ્રવેશ પરીક્ષામાં પણ બે વાર નાપાસ થયો.
    છોકરાનું નામ? વિન્સ્ટન ચર્ચીલ !

  • વિખ્યાત અંગ્રેજ રોક સ્ટાર, વીલીયમ માઈકલ આલ્બર્ટ બ્રોડ (જાણીતું નામ – “Billy Idol”) ને બોય સ્કાઉટ ટૂકડીમાંથી એક છોકરીને ચૂંબન કરવા બદલ કાઢી મૂકવામાં આવ્યો હતો. તેની ઉંમર ત્યારે હતી – ૧૦ વર્ષ.
  • પ્રખ્યાત લશ્કરી ઓફીસર (જનરલ) વેલીંગ્ટનની શાળાકીય કારકિર્દી નબળી હતી. તેની અતિ મંદ પ્રગતિથી કંટાળીને તેની માતાએ તેને લશ્કરી કારકિર્દી અપનાવવા ફરજ પાડી હતી. તેની માતાના શબ્દોમાં, “તે દારુગોળાનો ખોરાક બનવાને લાયક હતો.”
    પાછળથી કદાચ તેની માતાનો અભિપ્રાય બદલાયો હશે, જ્યારે જનરલ વેલીંગ્ટને વૉટરલૂના યુદ્ધમાં નેપોલિયનને હરાવ્યો.
  • પ્રખ્યાત અભિનેતા ટોમ ક્રૂઝ (મીશન ઈમ્પોસીબલ વાળો)એ એકવાર સ્વિકાર્યું હતું કે તે વાંચન શીખવામાં ખૂબ મુશ્કેલી અનુભવતો હતો, અને તે માંડ માંડ ખાસ પદ્ધતિઓ વડે વાંચતા શીખ્યો ત્યારે તે ફિલ્મ “ટોપગન”માં કામ કરી ચૂક્યો હતો અને તેની ઉંમર હતી ૨૪ વર્ષ.
  • “ટાઈટેનીક”નો હિરો, લીયોનાર્ડો ડીકેપ્રીઓ, ભણવામાં ઠોઠ હતો. તે તેના સહાધ્યાયીઓની નોટ્સમાંથી ઉતારા કરતો અને તેના મિત્રો તેને લીયોનાર્ડો રિટાર્ડો (માનસિક પછાત) તરીકે ઓળખતા.
  • અમેરિકન પ્રમુખ રહી ચૂકેલા જ્યોર્જ બુશ (જૂનીયર)ની બાળપણની મનપસંદ પ્રવૃત્તિ? (તેમના બાળપણના મિત્રોના જણાવ્યા મુજબ) દેડકાઓને ફટાકડાથી ડરાવવા.
  • રેમ્બો તરીકે જાણીતા કલાકાર સિલ્વેસ્ટર સ્ટેલોનને તેના અભ્યાસકાળના ૧૧ વર્ષ દરમ્યાન ૧૪ શાળાઓમાંથી કાઢી મૂકવામાં આવ્યો હતો.

(નોંધ – ઉપરની દરેક માહિતી જૂદી જૂદી વેબસાઈટ્સ પરથી મળેલી છે. તેની ખરાઈ અંગે હું કોઈપણ પ્રકારની ખાતરી આપી શક્તો નથી. પણ દરેક વિગતો એક કરતા વધુ સાઈટ પર જૂદી જદી રીતે ચકાસીને જ મૂકી છે.)

Advertisements

ટૂથપીક સીટી


“બહુરત્ના વસુંધરા”

અહીં કહેવતના મુળ નથી સમજાવવા. કહેવતો જીવી બતાવનારાઓ વિષે જણાવવું છે. એક વીરલો છે જૂલીયન બિવર, જેના વિષે મેં પહેલા લખ્યું હતું. આજે એવા જ એક અલગારી કલાકારની કલાનો પરિચય મેળવીએ?

એનું નામ સ્ટેન મનરો. એ ભાઈ દાંત ખોતરવાની સળીઓ (ટૂથપીક્સ)માંથી અવનવા શીલ્પો સર્જે છે. આ શીલ્પોમાં જગતભરના જાણીતા સ્થાપત્યો અને મકાનોના મોડેલ્સનો સમાવેશ થાય છે. સ્ટેનનો જન્મ અમેરિકાના રોચેસ્ટરમાં 1970માં થયો હતો. શાળામાં એકવાર એના કલાશિક્ષકે ક્લાસને ટૂથપીક વડે એવો નમૂનો બનાવવાનું કહ્યું કે જે 6 ઈંચના કદનું હોય અને એક ઈંડાનું વજન ઉંચકી શકે. સ્ટેનના નમૂનાએ એનું ટેબલ ઉંચકી બતાવ્યું. કોલેજમાં પણ એ ટૂથપીક વડે અવનવી વસ્તુઓ બનાવી મિત્રોને ભેટમાં આપતો.

ત્યારબાદ તેણે વિવિધ ટીવી કંપનીઓમાં, મેગેઝિનમાં અને અન્ય સામાન્ય નોકરીઓ કરી. પરંતુ એ દરમ્યાન પણ એનો શોખ અને સર્જન અવિરત ચાલુ જ રહ્યા. અંતે 2003માં એણે આ કલાને પૂરેપૂરો સમય આપવાનું નક્કી કર્યું. એણે ટૂથપીક્સ વડે જગતના જાણીતા સ્થાપત્યોને સમાવી લેતું શહેર – ટૂથપીક સીટી-1 બનાવવાનું શરૂ કર્યું. હાલમાં એ ટૂથપીક સીટી-2 ઉપર કામ કરી રહ્યો છે, જેમાં જગતભરના ધાર્મિક સ્થાપત્યોને સમાવી લેવાનું તેણે નક્કી કર્યું છે. નીચે જુઓ ટૂથપિક સીટી -2 ની તસવીરી ઝલક..

વધુ તસ્વીરો અને માહિતી માટે આ રહી સ્ટેન મનરોની સાઈટ.. http://www.toothpickcity.com

ઇનોવેટીવ આઈડીયાઝ – રીડીંગ રૂમ ફર્નીચર


વાંચવાનો કેવોક શોખ છે તમને? મને તો વાંચ્યા કરવું બહુ ગમે. નાનો હતો ત્યારે ઘરની એક નાની રૂમ (અગાશી ની દાદર રૂમ)માં ટેબલ ખુરશી ને કબાટ ગોઠવી રીડીંગ રૂમ બનાવ્યો હતો. ત્યાં પંખો ય નહોતો પણ ગરમી માં બફાતા પણ વાંચવાનો શોખ તો માણતો. એવું નહોતું કે ઘરમાં આરામદાયક જગ્યાઓ નહોતી, પણ ખાસ રીડીંગ રૂમનો શોખ એવો હતો.

આજે નેટ પર જોવા મળ્યું આ ખાસ વાચન માટે નું ફર્નીચર, જેમાં ખુરશી, ટેબલ અને લેમ્પ સુદ્ધામાં પુસ્તકો મુકવાની જગ્યાઓ મળી રહે છે. આરામદાયક હોવા ઉપરાંત એ પુસ્તકો ને હાથવગા રાખવામાં પણ મદદ કરે છે. ખુરશી નીચે તમે જે પુસ્તકો હાથવગા રાખવા માગતા હો તે રાખો, હાલ માં જે પુસ્તકો વાચો છો તેને લેમ્પ સાચવશે. ટેબલ નીચે પણ તમે પુસ્તકો સારી રીતે ગોઠવી શકો છો.વળી, તમે પુસ્તકો ને કબાટમાં પૂરી રાખવાના બદલે, લોકો જોઈ શકે તેમ ડિસ્પ્લે કરી તમારો પુસ્તકપ્રેમ અને કલેક્શન જાહેર કરી શકો છો.

જુઓ કેટલાક ચિત્રો..

આ ફર્નીચર ની ડીઝાઈન નેધરલેંડ નાં Remi van Oers દ્વારા બનાવવામાં આવી છે. વેબસાઈટ મને લાગે છે ત્યાં સુધી ડચ ભાષામાં છે. આ પોસ્ટ આ બ્લોગ ઉપર મુકાયેલી  છે: મેં બ્લોગ મિત્રો માણી શકે તે માટે અહી મૂકી છે.

મેચસ્ટીક માર્વેલ – પેટ્રિક એકટન


પેલો ચિત્રકાર જુલીયન બીવર તો આપને યાદ જ હશે. હવે આજે મળીએ પેટ્રિક એકટન ને.

અમેરિકાના આયોવા સ્ટેટ નાં ગ્લેડ્બ્રુક શહેરમાં વસતો અને માર્શલ ટાઉનમાં કેરિયર કાઉન્સેલર તરીકે કામ કરતો પેટ્રિક દિવાસળીઓ માંથી અવનવા મોડેલ્સ બનાવે છે.

નાનપણથી જ પેટ્રિક ને અવનવા પ્રયોગોનો અને અવનવી વસ્તુઓ બનાવવાનો ખુબ શોખ હતો. નાનપણમાં પોતાની સાયકલમાં lawn mower નું એન્જીન લગાવી ને એને  મોટર બાઈકમાં ફેરવી નાખી હતી. એ ઉપરાંત એક ભંગાર ફોર્ડ મોટર ખરીદીને એને પણ ચાલુ કરી હતી.

નાનપણમાં જ ટીવી ઉપર કોઈ વ્યક્તિને દિવાસળીઓ માંથી  મોડેલ્સ બનાવતો જોયેલો એને યાદ રહી ગયો અને વર્ષો પછી ૧૯૭૭ માં  એણે પોતાના મોડેલ્સ બનાવવાનું શરુ કર્યું. અહીં જુઓ એનું બનાવેલું એક મોડેલ.

વધુ માહિતી માટે મેચ સ્ટીક માર્વેલ્સની સાઈટ જોવા અહીં ક્લિક કરો…

આ પણ માણો…


નેટ પર રખડતાં રખડતાં આ એક અંગ્રેજી બ્લોગ જોવામાં આવ્યો. એન્ડ્રીયા જોસેફ કરીને સ્કેચ આર્ટીસ્ટનો આ બ્લોગ તેના ક્રીએટીવ આર્ટથી છલકાય છે. ચિત્રકલાના રસિકોએ ખાસ માણવા જેવો બ્લોગ છે. લીંક આ રહી.
>>>એન્ડ્રીયા જોસેફનો બ્લોગ<<<

ઝેબ્રા ક્રોસીંગ્સ


અવનવા “ઝેબ્રા” ક્રોસીંગ્સ

રસ્તો ક્રોસ કરવા માટે ચાર રસ્તા આગળ દોરવામાં આવેલ ચટ્ટાપટ્ટા કે જેને આપણે ઝેબ્રાક્રોસીંગ કહીએ છીએ તે આમ તો સીધા સાદા પટ્ટા જ હોય છે – પણ બધે નહિ. અનેક જગ્યાઓએ તેની ડીઝાઈન વૈવિધ્યસભર હોય છે. એનો હેતુ જાહેરાત અથવા સુશોભનનો હોય છે. માણો એવી કેટલીક ડીઝાઈન્સ.

પિયાનો ક્રોસીંગ

ઓસ્ટ્રીયાના શાલ્ઝબર્ગ શહેરની શાલ્ઝબર્ગ સ્કુલ ઓફ મ્યૂઝિકની જાહેરાત માટે ક્રોસીંગને પિયાનોની કી ના આકારમાં ચિતરાયા છે, એટલું જ નહિ, ત્યાં ટ્રાફીક સીગ્નલની સાથે સેન્સર પણ મૂકેલા છે જેના દ્વારા જ્યારે લોકો રસ્તો ક્રોસ કરે ત્યારે પિયાનોનું સંગીત પણ વાગે છે.

કોમ્બક્રોસીંગ

હેરકટીંગ સલૂનની જાહેરાત માટે નજીકના ચારરસ્તાના ક્રોસીંગને દાંતીયાના આકારમાં ચિતર્યું છે.

બાર કોડ ક્રોસીંગ

બ્રાઝીલના એક મોલની જાહેરાત માટે ક્રોસીંગને બારકોડ જેવું સ્વરૂપ આપાયું છે.

એડ્રીયાનો ડીઝાઈન

ઈટાલીના એડ્રીયાનો નામના આર્કીટેક્ટ ભાઈઓએ પોતાના ડીઝાઈન પ્રોજેક્ટ્સને પ્રમોટ કરવા માટે આવા વિવિધ ડીઝાઈનના ક્રોસીંગ બનાવ્યા છે.

ઝેબ્રા ક્રોસીંગ

ખરેખર ઝેબ્રાના શરીર પરના ચટ્ટાપટ્ટા જેવી ડીઝાઈનનું આ ક્રોસીંગ મુંબઈમાં દક્ષિણ આફ્રિકા ટુરીઝમ દ્વારા બનાવવામાં આવ્યું છે.

મી.ક્લીન ક્રોસીંગ

જર્મનીની કંપની મી.ક્લીન દ્વારા પોતાના ક્લીનીંગ મટીરીયલના માર્કેટીંગ માટે બનાવાયેલી ડીઝાઈન. સંદેશો તો “clean” છે જ.

રોડ્સવર્થની ડીઝાઈન્સ

કેનેડાના શેરી અને રસ્તા પર ચિત્રો કરનાર કલાકાર પી.ગીબ્સન કે જે રોડ્સવર્થના નામે જાણીતો છે, તેના દ્વારા બનાવાયેલી ડીઝાઈન્સ.

સાચું છતા ખોટું…(કે સાચું?)


જે કહો તે, પણ છે જક્કાસ!

સોની લેપટોપ.

સોની ના લેપટોપની આ જાહેરાત તો પરિચિત લાગશે. પણ એની વિશેષતા કદાચ બધાને નહિ ખબર હોય. એની speciality  એ છે કે અહીં દેખાતું લેપટોપ અસલી તો નથી જ, પણ મોડેલ પણ નથી. તે છે રસ્તા પર ચાક દ્વારા બનાવેલું માત્ર એક ચિત્ર. પણ એવી સુંદર રીતે બનાવાયું છે કે અસલ લાગે.

ઈંગ્લેન્ડનો જૂલીયન બીવર એ આર્ટની ભાષામાં કહીએ તો, “ટ્રોમ્પે લ’ઓઈલ” કહેવાતી શૈલીમાં રસ્તા ઉપર ચોક દ્વારા બનાવેલા અદભૂત ચિત્રો માટે જાણીતો છે. “ટ્રોમ્પે લ’ઓઈલ” એ ફ્રેન્ચ શબ્દ છે જેનો અર્થ થાય છે “આંખને છેતરવી”. નામ મુજબ જ આ ચિત્રો અમૂક ખાસ એંગલથી જોઈએ ત્યારે થ્રી-ડાયમેન્શનલ લાગે છે.

આ ચિત્રોમાં તે એનેમોર્ફોસીસ કહેવાતી ટેકનીક વાપરે છે, જેમાં ચિત્રો જોવા માટે અમૂક ખાસ એંગલથી જોવાની જરૂર પડે છે.

જૂલીયનભાઈ એક ફ્રીલાન્સર (પોતાની મરજીપૂર્વક કામ કરતા) આર્ટીસ્ટ છે. તેઓ અનેક કંપનીઓની જાહેરાત માટેના ભીંતચિત્રો અને ઓઈલ પેઈંટીંગ્સ પણ બનાવે છે.તેઓ અનેક દેશોમાં પેઈંટીંગ્સ બનાવી ચૂક્યા છે. તેમણે તેમના ચિત્રોનું એક પુસ્તક પણ પ્રકાશીત કર્યું છે.

આ રહ્યા થોડા વધુ નમૂનાઓ.. જૂલીયનની વેબસાઈટ પર આવા વધુ ચિત્રો માણવા અહીં ક્લીક કરો.

અહીં દેખાતું પાણી, ગટર, પાઈપ સુદ્ધાં ચિતરેલા છે.

આર્ટીસ્ટ પોતે, પોતાની સાથે..

સરપ્રાઈઝ..

(આર્ટીસ્ટ અંગેની માહિતી વીકીપીડીયા પરથી લીધી છે. જૂલીયનની  સાઈટ ઉપર તો એણે પોતાનું નામ પણ માંડ લખ્યું છે. મેં પહેલા લખ્યું હતું કે એ સાઈટ ઉપર કોપીરાઈટ નો ઉલ્લેખ નથી, પણ પછી શ્રી વિનયભાઈ ખત્રીએ ધ્યાન દોર્યું  અનેજણાયું કે જુલીયન બીવર ની
સાઈટ પર કોપીરાઈટનો સિમ્બોલ છે. આ રીત નો..

છેલ્લે એક પ્રશ્ન..

કેવીક લાગી પોસ્ટ? યાર, કંઈક કોમેન્ટું-બોમેન્ટું લખો તો મને ય ઉત્સાહ ચડે.  ન ગમે તો ધોઈ નાખો, પણ કાંક લખો પ્લીઝ.