An Eye Here Please..

આજે વાત કરવી છે એક એવા વ્યક્તિત્વની, જે ઓછામાં ઓછું અમારા કુટુંબ માટે તો વિશેષ જ છે…

પણ વાત કરતા પહેલા એક નજર આ ચિત્રો પર ફેરવો પ્લીઝ..

 

આ ચિત્રો મૌલિક અલબત્ત, નથી જ. એ અન્ય કૃતિઓ દ્વારા પ્રેરિત અને કોઈ કોઈ તો કોપી પણ છે. પણ એમની વિશેષતા એમના સર્જકમાં છે. આ ચિત્રો બનાવ્યા છે મારા વડીલબંધુ વિજયભાઈ ત્રિવેદીએ.

વિજયભાઈનો જન્મ એક સામાન્ય બાળક તરીકે 1970ના ઓકટોબર માસમાં થયો હતો. પણ વિધીએ એમને અસામાન્ય બનાવવાનું નક્કી કરી રાખ્યું હશે. એક-દોઢ માસની ઉંમરે એમને મેનેન્જાઈટીસ થયો . માંડમાંડ જીવન તો બચ્યું, પણ એ બિમારીમાં એમણે શ્રવણક્ષમતા ગુમાવી. સાથે સાથે મગજને થયેલા નુક્સાનના લીધે માનસિક વિકાસ પણ અપૂરતો થયો (એ વાત તો બહુ મોડી ધ્યાનમાં આવી.)

શ્રવણખાધ છતાં તેમણે ધો.5 સુધીનું શિક્ષણ સામાન્ય બાળકોની શાળામાં જ લીધું. પણ ત્યાર પછી શ્રવણમંદતા અને ઓછા માનસિક વિકાસ અને સમજશક્તિના લીધે મુશ્કેલીઓ વધતાં માતા-પિતાએ તેમને મૂક-બધિરો માટેની ખાસ શાળામાં મૂક્યા, જયાં તેમણે ધો.10 સુધીનું શિક્ષણ મેળવ્યું. ત્યાર પછી એ જ શાળામાં સિલાઈકામ (Tailoring)ની તાલિમ પણ મેળવી. આ દરમ્યાન એમણે બે ખૂબ મહત્વની બાબતોમાં રૂચિ કેળવી હતી. એક ધાર્મિકતા – નિયમીત પૂજાપાઠ,ભગવાનમાં ખૂબ શ્રદ્ધા – અને બીજી બાબત તે ચિત્રકામ. બાળપણથી જ એમનામાં એક કલાકાર વસતો. ચિત્રો દોરવાનો ખૂબ શોખ અને ક્ષમતા પણ હતી. કોઈ વ્યવસ્થિત તાલીમ વગર પણ પોતાને ગમતા ચિત્રોને imitate કરવાની ક્ષમતા હતી. (પાછળથી જો કે, તેમણે ચિત્રકામની intermediate પરીક્ષા પણ પાસ કરી.) શારીરિક તથા માનસિક અક્ષમતાના લીધે નોકરી વ્યવસાય વગેરે શક્ય નહોતું. પણ ઘરના કામોમાં તેમજ પોતાને આવડે તેવા કામોમાં ખૂબ ખંતથી ભાગ લે. પોતાના કપડાં પણ જાતે સિવી લે. અને રોજ કલાકો ના કલાકો ચિત્રકામમાં વીતાવે. અત્યાર સુધીમાં ઉપર દર્શાવ્યા તેવા 500થી વધુ ચિત્રો બનાવી ચૂક્યા છે. જૂનાગઢ ખાતે તેમના ચિત્રોનું એક પ્રદર્શન પણ યોજાયું હતું. અનેક સ્પર્ધાઓમાં ઈનામો અને સર્ટીફીકેટ્સ મેળવ્યા છે. રાજ્યકક્ષાની સ્પર્ધામાં 2 વખત પ્રથમ સ્થાને રહ્યા હતા.

પરંતુ, એમને આપેલી “મર્યાદાઓ” રૂપી વિશેષતાઓ પૂરતી ન હોય તેમ કુદરતે આશરે 5 વર્ષ પહેલા એક વધુ મુશ્કેલી આપી. એમની આંખ નબળી હતી. (નાનપણથી જ ચશ્મા પહેરતા). પણ તકલીફ વધુ લાગતા ડોક્ટરનો સંપર્ક સાધતાં જણાયું કે તેમને Retinitis Pigmentosa નામનો આંખનો અસાધ્ય રોગ છે અને તેઓ થોડા વર્ષોમાં જ દ્રષ્ટિ સંપૂર્ણપણે ગુમાવી દેશે. અનેક ઉપાયો અજમાવવા છતાં એક જ તારણ નીકળે છે કે આ રોગનો કોઈ ઈલાજ નથી.

આમ, વિજયભાઈ તેમની સાંભળવાની ક્ષમતા ઉપરાંત દ્રષ્ટિ પણ ગુમાવશે. જ્ઞાન મેળવવાના અને બાહ્ય જગત સાથે સંપર્ક માટે કોઈ રસ્તો નહિ બચે. આજે એમણે દ્રષ્ટિ લગભગ ગુમાવી છે અને ખૂબ પ્રકાશમાં ખૂબ નજીક રાખેલી વસ્તું સિવાય કાંઈ જોઈ શકાતું નથી. લોકોના આકાર દેખાય પણ “ડીટેઈલ” નહિ. માતાપિતાની મુશ્કેલી તો એ કે વિજયભાઈને શું થયું છે તે પણ તેમની ઓછી સમજશક્તિના લીધે સમજાવવું શક્ય નથી. અવારનવાર તેઓ પૂછે છે કે મારા ચિત્રો ક્યાં છે? બરાબર છે? તેમાં કેવા રંગો છે? મારા પૂજ્ય પિતાએ અનેક મુશ્કેલીઓ વેઠી છે, હજી વેઠે છે. ક્યારેય હિંમત હારતા નથી. પણ આ એક જ બાબતે મેં તેમની આંખમાં આંસુ જોયા છે.

છતાં, મારા પિતાજી અને વિજયભાઈ બન્ને આજે પણ ભગવાનમાં શ્રદ્ધા ધરાવે છે.

(નોંધ- આ વાત અહીં મૂકવાનો હેતુ માત્ર એક સવિશેષ વ્યક્તિત્વનો પરિચય આપવાનો જ છે. હા, એટલી વિનંતી ખરી કે દેશ-વિદેશોમાં વસતા બ્લોગમિત્રોને આ બિમારી -retinits pigmentosa-ના ઈલાજ કે સંશોધન વિષે કંઈ માહિતી હોય/મળે તો અમને આપે. આભાર.)

Advertisements

11 responses to “An Eye Here Please..

  1. વિજયભાઈના ચિત્રો અનેક વખત પ્રત્યક્ષ જોયા છે. જેટલી વાર જોયા તેટલી વાર લાગ્યું છે કે કુદરત એક શક્તિ છીનવી લે તો બીજી શક્તિ જરૂર વિકસાવવાની તક આપે છે. અને આ તક વિજયભાઈએ સારી રીતે ઝડપી છે. આશા રાખીએ કે કોઈ મિત્રોની મદદથી તેમની આંખની તકલીફ માટે કોઈ ઉપાય મળી આવે. અને હા, શ્રદ્ધા એટલી પાંગળી થોડી હોય કે મુશ્કેલી પડે કે પ્રલોભન આવે તો તે છૂટી જાય? ના, જો એમ જ હોય તો તો તેને શ્રધ્ધા કહેવાય જ નહીં.

  2. શ્રદ્ધા એટલી પાંગળી થોડી હોય કે મુશ્કેલી પડે કે પ્રલોભન આવે તો તે છૂટી જાય? ના, જો એમ જ હોય તો તો તેને શ્રધ્ધા કહેવાય જ નહીં.
    હું 100% સહમત છું અને હું મારી પોસ્ટમાં પણ એ જ કહેવા માગતો હતો કે શ્રદ્ધા આ વસ્તુ છે.
    આભાર.

  3. Really nice paintings……
    It was really inspiring to know about Vijaybhai….. and yes…of course, the real heroes are your parents… my heartfelt regards to all of them.

  4. જયભાઈ વિજયભાઈ ને મારા વતી સુંદર પેન્ટીંગ માટે શુભેચ્છાઓ આપજો . ઈશ્વરે દરેકમાં કોઈ ના કોઈ વિશેષ સર્જન શક્તિ મૂકી જ હોય છે , જેનો આપણે ભરપુર ઉપયોગ કરવાનો હોય છે , જે વિજયભાઈએ કર્યો છે તેમાંથી દરેકે શીખવા જેવું છે . વિજયભાઈ એક રોલ મોડલ બન્યા છે . તમે આવા એક વિશિષ્ટ વ્યક્તિ નો પરિચય કરાવ્યો તે બદલ આપનો આભાર . વિજયભાઈ જેવા જ એક વિશિષ્ટ વ્યક્તિ http://wp.me/pKrdv-gi ડૉ.સ્ટીફન હોકિંગ છે .

  5. જયભાઈ , વિજયભાઈ અંગે આપના લેખ દ્વારા જાણ્યું હતું અને આપની request પણ વાંચી હતી તેથી મેં અમારા મિત્ર ડો. કેતન બાવીશી … જેઓ ખુબજ સારા eye specialist છે ,તેમની સાથે વાત કરી હતી અને એમનો જવાબ આ હતો .
    Dear Paruben,
    Sorry to hear about Retinitis Pigmentosa.
    There is no any treatment in any part of the world till today.
    It is a genetically transfer disease and why it is happening no one knew.
    What is the age of the patient ?
    Ketan Bavishi

    I had written this two days back … but did not see it on the post so I was little doubtful… may be I made a mistake while posting the comment… that is why I am repeating it . .. This is a personal matter and thus its OK if you don’t approve of this .. .. I repeated just because I was in doubt.

  6. Paruben,
    Thanks very much for the effort and the support you have provided. And I dint get this post in the past. This is the first time I have seen it. I have been checking all the comments on my blog including the spam. it was nowhere. And there is no question of not approving any of your post. In fact I really apologize for the misunderstanding created by that post of mine and I have already removed it from public view.
    and I would like to thank you and Dr.Bavishi both for looking into the matter of Vijaybhai. Its disppointing though to know that there is no treatment for him yet. But we hope that there will be something available soon. Just to let Dr.Bavishi know, Vijaybhai’s age is 40years.
    I again thank you very much for your kindness and apologize if I had hurt you unknowingly through my post. I assure you that I dint mean to complain about you and I never had any complain about you reposting the article.”
    Thank you very much,
    Jay

  7. અદભુત ચિત્રો છે!!!!

    જયભાઇ ખરેખર તમારા પુરા ફેમિલી ને ધન્યવાદ આપવા જોઇયે કે તમે વિજયભાઇ ને આટ્લો ટેકો આપ્યો અને એમની આ કળા વિકસાવવા મા મદદ કરી. આ દિવાળી મા હુ ભાવનગર આવુ છુ. આશા રાખુ છુ કે મને વિજયભાઇ ના ચિત્રો અને વિજયભાઇ ને મળવા નો મોકો મળશે.

    Hats-off to your parents Jaybhai.

    Madhav

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s